editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
KEAM-2022: ANSWER KEY കീം ഉത്തരസൂചിക വന്നുബിഎഡ് പൂർത്തിയാക്കാൻ ഇനി 4വർഷം: കേരളത്തിൽ അടുത്ത വർഷത്തോടെ നടപ്പാക്കാൻ ശ്രമംഐസിഫോസിൽ റിസേർച്ച് അസോസിയേറ്റ്, അസിസ്റ്റന്റ്: അവസരം ബിരുദധാരികൾക്ക്പ്ലസ് വൺ പ്രവേശനം 7മുതൽ: വിജ്ഞാപനം ഉടൻഐഡിബിഐയിൽ 226 ഒഴിവുകൾ: ജൂലൈ 10 വരെ അപേക്ഷിക്കാംകൊച്ചിൻ ഷിപ്യാർഡ് ലിമിറ്റഡിൽ വർക്ക്‌മെൻ: 106 ഒഴിവുകൾമഴ: കാസർകോട് ജില്ലയിൽ സ്കൂളുകൾക്കും അങ്കണവാടികൾക്കും അവധിഎസ്എസ്എൽഎസി പുനർമൂല്യനിർണ്ണയഫലം പ്രസിദ്ധീകരിച്ചുസംസ്ഥാനത്ത് ഉന്നത വിദ്യാഭ്യാസ ശാക്തീകരണ പദ്ധതികൾക്ക് നാളെ തുടക്കം: ഉന്നത വിദ്യാഭ്യാസ കൗൺസിൽ ആസ്ഥാന മന്ദിരത്തിന് മുഖ്യമന്ത്രി തറകല്ലിടുംസിബിഎസ്ഇ പത്താം ക്ലാസ്സ്‌ പരീക്ഷ ഫലം ഇന്ന് ഇല്ല: പന്ത്രണ്ടാം ക്ലാസ് ഫലം അടക്കം ജൂലൈ 15നകം

ഹരിത നൈപുണ്യ വികസനത്തിൽ സൗജന്യ പരിശീലനം നൽകുന്നു

Published on : February 20 - 2020 | 8:24 am

തിരുവനന്തപുരം: കേന്ദ്ര വന പരിസ്ഥിതി കാലാവസ്ഥ വ്യതിയാന മന്ത്രാലയത്തിന്റെ ധനസഹായത്തോടെ കേരള ശാസ്ത്ര സാങ്കേതിക പരിസ്ഥിതി കൗൺസിലിലെ പരിസ്ഥിതി വിവരണകേന്ദ്രം ഹരിത നൈപുണ്യ വികസന പരിശീലന പദ്ധതി നടപ്പിലാക്കുന്നു. താഴെപ്പറയുന്ന വിഷയങ്ങളിലാണ് പരിശീലനം. പ്ലാന്റ് ടിഷ്യൂകൾച്ചർ സാങ്കേതിക വിദ്യകളും അതിന്റെ പ്രായോഗികതയും: ശാസ്ത്രബിരുദധാരികൾക്ക് കോഴ്‌സിന് അപേക്ഷിക്കാം. തിരുവനന്തപുരം പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക്കൽ ഗാർഡനിലായിരിക്കും പരിശീലനം. 320 മണിക്കൂറാണ് പഠനകാലയളവ്. ആവാസ വ്യവസ്ഥാ സേവനങ്ങളുടെ മൂല്യനിർണയവും ഹരിത ജി.ഡി.പി.യും: ബിരുദധാരികൾക്ക് കോഴ്‌സിന് അപേക്ഷിക്കാം. തൃശ്ശൂർ പീച്ചി കേരള വനഗവേഷണ കേന്ദ്രമായിരിക്കും പരിശീലനം സംഘടിപ്പിക്കുന്നത്. 105 മണിക്കൂറാണ് പഠനകാലയളവ്. അന്തരീക്ഷ മലിനീകരണം കണ്ടുപിടിക്കുക-മണ്ണ് മലിനീകരണം: ശാസ്ത്രത്തിൽ ബിരുദം/എഞ്ചിനീയറിങ്ങിൽ ഡിപ്ലോമ ഉള്ളവർക്ക് അപേക്ഷിക്കാം. തൃശ്ശൂർ പീച്ചി കേരള വനഗവേഷണ കേന്ദ്രമായിരിക്കും പരിശീലനം സംഘടിപ്പിക്കുന്നത്. 200 മണിക്കൂറാണ് പഠനകാലയളവ്. ജലത്തിന്റെ ബഡ്ജറ്റിംഗും ഓഡിറ്റിംഗും: ബിരുദധാരികൾക്ക് അപേക്ഷിക്കാം. കോഴിക്കോട് കുന്നമംഗലത്തുള്ള ജലവിഭവ വികസന വിനിയോഗ കേന്ദ്രമായിരിക്കും പരിശീലനം സംഘടിപ്പിക്കുന്നത്. 200 മണിക്കൂറാണ് പഠനകാലയളവ്. എൻ.ടി.എഫ്.പി കളുടെ വാല്യൂ അഡിഷൻ & മാർക്കറ്റിംഗ് (ചെടി ഉൽപ്പത്തി)-മുള കരകൗശലവൃത്തി: ചുരുങ്ങിയ വിദ്യാഭ്യാസ യോഗ്യത മാനദണ്ഡമില്ല. തൃശ്ശൂർ പീച്ചിയിലെ കേരള വനഗവേഷണ കേന്ദ്രമായിരിക്കും പരിശീലനം സംഘടിപ്പിക്കുന്നത്. 400 മണിക്കൂറാണ് പഠനകാലയളവ്. അന്തരീക്ഷ മലിനീകരണം കണ്ടുപിടിക്കുക-വായു, ജലം മലിനീകരണം: ശാസ്ത്രത്തിൽ ബിരുദം/എഞ്ചിനീയറിങ്ങിൽ ഡിപ്ലോമ ഉള്ളവർക്ക് അപേക്ഷിക്കാം. കോഴിക്കോട് കുന്നമംഗലം ജലവിഭവ വികസന വിനിയോഗ കേന്ദ്രമായിരിക്കും പരിശീലനം സംഘടിപ്പിക്കുന്നത്. 260 മണിക്കൂറാണ് പഠനകാലയളവ്. ഈറ (മുള)യുടെ പ്രചാരണവും കാര്യനിർവ്വഹണവും: 12-ാം തരം വിജയിച്ചവർക്ക് കോഴ്‌സിന് അപേക്ഷിക്കാം. തൃശ്ശൂർ പീച്ചിയിലെ കേരള വനഗവേഷണ കേന്ദ്രമായിരിക്കും പരിശീലനം സംഘടിപ്പിക്കുന്നത്. 240 മണിക്കൂറാണ് പഠനകാലയളവ്. വന്യ കീടശാസ്ത്ര പഠനവും കീടനിയന്ത്രണവും: ബിരുദധാരികൾക്ക് കോഴ്‌സിന് അപേക്ഷിക്കാം. തൃശ്ശൂർ പീച്ചി കേരള വനഗവേഷണ കേന്ദ്രമായിരിക്കും പരിശീലനം സംഘടിപ്പിക്കുന്നത്. 216 മണിക്കൂറാണ് പഠനകാലയളവ്. ക്വാളിറ്റി പ്ലാന്റിങ് മെറ്റീരിയൽ പ്രൊഡ്യൂസർ. 10-ാം തരം വിജയിച്ചവർക്ക് കോഴ്‌സിന് അപേക്ഷിക്കാം. തിരുവനന്തപുരം പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക്കൽ ഗാർഡനിൽ വച്ചായിരിക്കും പരിശീലനം നടത്തുന്നത്. 240 മണിക്കൂറാണ് പഠനകാലയളവ്. പരിശീലനം സൗജന്യമായിരിക്കും. തിരഞ്ഞെടുക്കുന്ന വിദ്യാർത്ഥികൾക്ക് പരിശീലനകാലയളവിൽ താമസസൗകര്യവും ഭക്ഷണവും സൗജന്യമായിരിക്കും. താത്പര്യമുള്ളവർക്ക് അപേക്ഷ ഓൺലൈൻ പോർട്ടലായ www.gsdp-envis.gov.in മുഖേന സമർപ്പിക്കാം. വിശദവിവരങ്ങൾക്ക് www.kerenvis.nic.in മുഖേനയോ, envkerala@gmail.com മുഖേനയോ ബന്ധപ്പെടാം. ഫോൺ: 0471-2548210. അപേക്ഷകൾ സ്വീകരിക്കുന്ന അവസാന തീയതി ~ഒക്‌ടോബർ 25.

0 Comments

Related News